ازاى تخلى شعرك زى الهنود

بسم الله
عاوزة شعر ناعم وطويل
عاوزة تتخلصى من الخشونة والتساقط والجفاف والهيشان
يبقى تيجى هنا معايا
مع شوشو مافيش مستحيل
انا عارفة انى رغاية شوية
يلا نبدأ:
اولا:لازم تهتمى بالماسكات
عارفة ان فى واحدة هتقولى بتقعد وقت كتير عشان تجيب نتيجة وواحدة تانية تقولى ساعات مابتجيبش نتيجة
هارد عليكم واقولكم:مافيش حاجة بتجيب نتيجة بعد مابنحطها على طول اذا كانت ماسكات او زيوت او كريمات
لازم نستمر على الماسكات لمدة شهرين على الاقل عشان تجيب نتيجة
ماسك لتقوية ونعومة الشعر
المقادير:
ملعقة صغيرة حبوب لقاح
ملعقة صغيرة زيت بذر كتان
¼ كوب ميه

الطريقة:
ضيفي حبوب اللقاح على زيت بذر الكتان والميه مع التقليب، وحطّي الماسك على الشعر لمدة 30 دقيقة وبعدها اغسلي شعرك بالشامبو.

ماسك الجرجير للشعر
المقادير:
2 حزمة جرجير
ملعقة متوسطة كحول (سبرتو أبيض)

الطريقة:
قطّعي الجرجير واضربيه في الخلاط كويس جدا وصفّيه، وناخد العصير ده ونخلطه مع السبرتو الأبيض، ونحتفظ بالخليط ده في زجاجة في الثلاجة، وممكن نستخدم الخليط ده مرتين أسبوعيا، ونسيبه لمدة ساعة على فروة الشعر، وتقدري كمان تسيبيه على شعرك طول الليل وتشطفيه تاني يوم.
حمام كريم بالمايونيز لشعر حرير
المقادير:
3 ملعقة كبيرة مايونيز سادة
3 ملعقة حمام كريم سادة

الطريقة:
قلّبي المكونات دي مع بعض كويس أوي، وحطّيهم على شعر نظيف لمدة ساعة كاملة، وبعد كده اغسلي شعرك بالشامبو، ومع استخدام الخليط ده هتحسي إن شعرك مفرود وناعم ومش هايش، وممكن تستخدميه من مرتين إلى ثلاثة كل أسبوع.
طيب ندخل بقى على التساقط:
ماسك النخاع لتطويل الشعر وعلاج تساقطه
المقادير
نص قطعة نخاع
3 فصوص ثوم مفرومين
2 ملعقة زبادي

الطريقة:
ضيفي على قطعة النخاع ملعقة زبادي وعليهم الثوم وقلّبيهم كويس أوي.

ماسكات النخاع بنستخدمها مرتين أسبوعيا، ومدّة الحمام على الشعر من ساعة ونصف إلى ساعتين، وبنوزّعه على فروة رأس نظيفة.
ماسك الحلبة بالزبادي
المقادير:
ملعقة كبيرة حلبة مطحونة
ملعقتين أو ثلاثة كبيرة زبادي

الطريقة:
اخلطي المكونات مع بعضها وقلّبيهم مع بعض كويس أوي، لحد ما الخليط يبقى عامل زي العجينة، وبعد كده وزّعيه على جذور الشعر وباقي الشعر كله، وممكن تعملي الماسك ده مرتين في الأسبوع لمدة من 30 : 60 دقيقة بالكتير.
ندخل بقى على الهيشان
ماسك البيض للشعر العادي والجاف
المقادير:
بيضة
ملعقة بلسم

الطريقة:
اضربي المكونات مع بعض كويس جدا، ووزّعي الخليط على الشعر من الجذور وحتى الأطراف، وسيبيه لمدة نص ساعة، وبعد كده تغسلي شعرك بالشامبو كويس جدا علشان تضيّعي ريحة البيض.

الماسك ده ممكن تعمليه مرة واحدة في الأسبوع، وهيبقى كافي جدا لو عملتي معاه ماسك تاني في نفس الأسبوع، بجد هتلاقي نتيجة هايلة.
طيب يابت ياشوشو احنا هنقضيها ماسكات ولا اية
لأ طبعا دلوقتى هنقول شوية نصايح على الماشى
1- لابد من غسل الشعر كلما أتسخ لإزالة الغبار والإفرازات الجلدية التي تعلق به
2- دلكي فروة رأسك يوميا باستعمال فرشاة الشعر خشنة ولتكن ضربات الفرشاة قوية وتتجه من أسفل وأعلى أي من جلدة الرأس إلى أطراف الشعر


3- نقص في المواد الغذائية وقلة النوم وكثرة التعرض للشمس قد تفقد الشعر لمعانه ورونقه
4- عليك الانتباه لوجود أية أمراض جلدية أو قشرة رأسك فلقشرة تنتج عادة من جفاف الشعر وتقشر في جلدة الرأس بسبب سوء الصحة وقلة النشاط
5- إذا أردت تجعيد شعرك فلتكن تجعدانه كبيره حتى تبدو طبيعية
6- تتغير حالة الشعر في الصيف فيميل إلى الجفاف لذا يجب عليك المداومة على استخدام البلسم بعد الشامبو
7- إذا كنت تعانين من القشرة فاستخدمي غسول الفم الذي يستخدم كمطهر للفم فهو يقضي على الفطريات المسببة للقشرة وضعي معيار من الغسول على 9 معايير من الماء واتركيه على شعرك لمدة عشر دقائق .
8- الإ قلال من الصبغات الكيميائية والعلاج الكيميائي للشعر .
9- دلكي فروة الرأس بأطراف الأصابع وبرفق أثناء الغسيل والشطف

10- اشطفي الشعر جيدا وخلصيه من الشامبو حتى تحصلي على اللمعة المطلوبة .
11- استخدمي المشط لتمشيط الشعر وتخليصه من العقد والاتربه قبل الغسيل .