بسم الله الرحمن الرحيم
اولا ده شكل المرايه
الادوات المطلوبه
1- المرايه طبعا
انا جبت المرايه على قد رخامة الحوض متر * متر
تقريبا كانت ب80 جنيه
وهو عنده حوامل للمرايه
بس انا الراجل الله يسامحه لزقهالي في السيراميك وكنت عاوزها تتحط بالحوامل علشان لو حبيت اغيرها اقدر من غير تكسير وتعب
2- خرز صغير على حسب لون سيراميك الحمام ويكون درجتين أو تلاته يعني انا حمامي موف جبت الخرز موف وازرق وفضي
3- سيلكون وهو انبوبه كبيرة هتحتاجي 2 أو يمكن 3 على المساحه ديوده شكله هي تقريبا الواحده ب7 جنيه
4-بكرة لزق شكرتون الي هو بتاع الكهربا علشان بيطلع بسهوله ومبيسبش اثر على المرايه
5- مسطره
نيجي بقا للطريقه
هتفرشي بطنيه او ملايه ع الارض وتحطي عليها المرايه
وبعدين تعملي إطار ع المرايه بعرض 10 سم ازاي بقا تظبطيه هقولك
تجيبي المسطره وتقيسي 10 سم من فوق ومن تحت وتعلمي
وبعدين تيجي تشدي الشكرتون على العلامه من اول فوق لحد تحت
وبعدين تجيبي السيلكون وتدهني حته صغيره بس يكون السيلكون سميك يعني بلاش بخل يكون طبقه محترمه وبعدين تكوني خلطتي الوان الخرز مع بعض في علبه تقومي جايبه كبشه بأيدك وتحطيها على السيلكون تغطي بيها كل المنطقه الي حطيتي فيها السيلكون
ومتطلعيش دهان السيلكون بره شريط السيلكون
وتكرري الخطودي لحد ماتخلصي العمود
وهكذا في التلات عمدان الباقيين
بس اوعي تحركيها من مكانه على الاقل لتلات اربع ساعات
وبعد ماتخلصي المرايه خالص
شيلي شريط الشكرتون بالراحه
هتلاقي الاطار طالع عندك مظبوط ومش ملطش
بس نصيحه متعلقيهاش قبل تلات اربع ايام لحد ما تتأكدي ان السيلكون نشف تماما وان الخرز ثبت كويس جدا
ملحوظه لازم تعملي حسابك انها هتاخد خرز كتييييييييييييييير هتجيبيهم مرة واحده علشان ميكونش فيه عمود مختلف عن عمود في اللون
ولما تلمعيها وتعلقيها هتلاقيها عامله زي الكريستاله في النور والله شكلها تحفه والصور ظلمتها
0 التعليقات:
إرسال تعليق