بالصور هعلمك تعملي احلى تونر مغذي لبشرتك♥

اللهم صل وسلم وبارك على سيدنا محمد
اللهم اغفر للمسلمين والمسلمات والمؤمنين والمؤمنات الاحياء منهم والاموات



المهم انهادرة وزي العنوان ما بيقول هوريكم بالصور ازاي تعملي تونر مغذي لبشرتك

انا عملت تونر البابونج
وممكن انتي تعمليه باي حاجة تانية مناسبة ليكي وتحبيها وهقولكم زي ايه


هتجيبي شوية بابونج
وتغليهم في كوبايتين مية
وطبعا الطبق يكون متغطي عشان الزيوت الطيارة المفيدة اللي فيه مش تروح
وتفضلي تغلي فيه لغاية ما المية تقل النص وتغمق والبابونج يتقطع نفسه من الغليان
تطفي عليه وتسيبه يبرد وهو برده متغطي عليه

معلش لو الصورمش اد كداوبعدين تصفيه بالمصفاه بتاعة الشاي وتحطيه في طبق صغير 
تجيبي قطن وتقطعيه حتت صغيرة كتيييييير وتحطيه في مية البابونج وتملي الطبق بالقطن وبس 

سيبيه في التلاجة 
وكل شوية طلعي قطنة منهم وامسحي وشك بيه

دا هيسهل عليكي استخدام التونر اووووووووووي بدل الكسل اللي ماسكنا
والاسهل كمان تجيبي بخاخة صغيرة وتحطي فيها التونر بتاعك
بس الصورة دي مش بتاعتي (بتاعتي بينك)
انا عملت قبل كدا تونرات كتير بس كنت بكسل موت استخدمها وتفضل في التلاجة لحد ما ريحتها تطلع
بس بالطريقة دي صدقيني مش هتبطلي تستخدميه
وكمان لما بيطلع ساقع من التلاجة بيخلي البشرة تحفة ومنتعشة

للعلم البابونج بيفتح جدااااااااااااا وبيهدي الجلد وشوفي فوايده عالنت
ممكن تستخدمي القطن دا لتحت الباط كمان هيفتح اوي ان شاء الله
هاتي شوية بجنيه من العطار هديكي كتييييييييير

نيجي بقى للتكات


اول حاجة ممكن بدل ما تستخدمي القطن في pads قطن كدا بيتباع في محلات اتنين ونص ومحلات الميكب اكيد كلكو شفتوها
هو سعره في حدود 8.5 ج بس ملوش لزمة يعني منظرة علفاضيوبما اننا فتوكات فعيب نضيع فلوسنا طالما في بديل

تاني حاجة 
ايه هو البديل عن البابونج

ممكن مغلي بقدونس
ودا مش هتكلم عنه 
ساحر للبشرة
انا هسيبك تجربيه وتدعيلي
ماما دايما تقولي ان نجوى ابراهيم المذيعة كانت قالت مرة ان سر جمال بشرتها هو البقدونس
وكمان دا اللي حبيبتي هاجر (د/ بكرة احلى) اللي قالتلي عليه وبتنصح بيه وبصراحة نصايحها دايما فالجون والله وعن تجربة ربنا يخليها ويصلح حالها

ممكن مغلي شاي اخضر
ودا مفيد برضو للبشرة وخصوصا للبشرة الدهنية

ممكن لبن عادي لو بشرتك جافة او عادية
او لبن بودرة ومدوب في مية 
اللبن بيغذي جدااااااااااااااااااااا
واحلى حاجة لبشرتي جربتها اللبن البودرة

ممكن مغلي نعناع برضو جميل

ممكن مغلي ترمس مر بيفتح اوووووووووووووي وكمان بيقلل من الشعر

ممكن مية ومدوبة فيها نشا تقفل المسام وتنعم بس مش تعملي منها كتير لان النشا هترقد تحت ولازم لما تيجي تطلعيها ترجي الطبق كدا بسيط

المفاجاة ممكن مغلي سعد وتمسي بيه بعد ازالة الشعر عشان الشعر مش يطلع تاني

كمان ممكن مية بشر الخيار تحفة ويا سلام بقى لو تزودي عليها حبة نشا او لبن بودرة 

فيه كمان عسل نحل مدوب في كوباية مية مغلية قبل كدا ولما تبرد استخدميه
وده عرفته من حبيبة هارتي (سوبر مصرية) من جميلات المنتدى فعلاوكمان مية الرز بتجيبي الرز وتغليه في مية لحد ما يقرب ينشي بتفتح برضو

كل الحاجات دي رخيصة اوووووي ومتوفره عندنا كلنا

اعملي اللي تحبيه وبشرتك ترتاح عليه
وممكن لاصحاب البشرة الدهنية واللي بشرتهم مش حساسة وانا قلت اهو عشان مترجعيش تدعي عليا تزودي عصرة لمون للتونر بتاعك هيقفل المسام ويفتح البشرة اوي بشرط متكونش بشرتك حساسة منه
اما بقى لو عايزة غذا لبشرتك اكسري على التونر بتاعك كبسولة فيتامين e وادعيلي

عموما انامش هلزمك بحاجة
وابعدي عن الحاجات اللي ممكن تسبب التهاب لبشرتك
انا قلت عشان محدش يدعي عليا

الحاجة التالتة اللي عايزة اقولها انك تعملي كميات صغيرة بكميات صغيرة عشان مش يبوظ منك ولو حسيتي ان الحاجة اللي عملتيها ريحتها طلعت ارميها فورا 

الحاجة الرابعة اني حبيت التونر ده احسن من الحاجات الكيماوية اللي بستخدمها ويا عالم ضررها ايه على بشرتنا
وتبدلي بين الانواع اللي قلت عليها
براحتك يعني
عيشي وادعيلي
الحاجة الخامسة لو عملتي كمية وطلعت كتير وحاسة انها ممكن تبوظ منك علطول دوبيها في شوية ترمس مطحون او دقيق واعملي بيها ماسك لبشرتك مع اني متاكدة انها مش هتحتاج بعد التونر ده حاجة ان شاء الله بس عشان منرميش حاجة